421.cd.gov.mn

Эсгий дүрслэл бүхий гар урлалын бүтээл зарна.

Эсгий дүрслэл бүхий гар урлалын дараах бүтээлийг зах зээлийн үнээс хямд худалдаж байна. Худалдан авахыг сонирхсон аж ахуй нэгж байгууллага, иргэд 89982808 дугаарын утсаар холбоо барина уу.

Мөн хүссэн хэмжээ, загварын дагуу захиалга авч үйлчилнэ.

Алба хаагчид шагнагдлаа.

Шүүхийн шийдвэр гүйцэтгэх ерөнхий газрын даргын 2019 оны Б/347, Б/350, Б/356 дугаар тушаалаар “Монгол цэргийн өдөр”-ийг тохиолдуулан эрхэлсэн ажилдаа идэвх зүтгэл, үр бүтээл гарган ажилласан тус ангийн зарим алба хаагчдыг цэргийн ээлжит цол болон Шүүхийн шийдвэр гүйцэтгэх байгууллагын шагналаар шагналаа.

Цэргийн “Ахмад” цолоор ахлах нягтлан бодогч, ахлах дэслэгч Б.Эрдэнэжаргал, төлөөлөгч, ахлах дэслэгч Г.Мөнххуяг, офицерын бүрэлдэхүүнд орж “Дэслэгч” цолоор ерөнхий жижүүр, ахлах ахлагч Э.Мөнхболд, хүний тоо бүртгэлийн байцаагч, ахлах ахлагч Л.Түмэнгэрэл, цахилгааны техникч, хөдөлмөрийн даамал, дэд ахлагч Э.Эрдэнэбилэг, “Ахлах ахлагч” цолоор хамгаалалтын ажилтан, ахлагч М.Санжаа, “Ахлагч” цолоор хамгаалалтын ажилтан, дэд ахлагч Н.Батбаяр, архив, бичиг хэргийн эрхлэгч, дэд ахлагч М.Буянхишиг, ахлагчийн бүрэлдэхүүнд орж “Дэд ахлагч” цолоор нярав Д.Нямдулам нар шагнагдав.

Мөн шүүхийн шийдвэр гүйцэтгэх байгууллагын “Салбарын тэргүүний ажилтан тэмдэг”-ээр ерөнхий жижүүр, ахлах дэслэгч Б.Мягмар, хамгаалалтын ажилтан, ахлах ахлагч Н.Пүрэвсүрэн, “Хүндэт тэмдэг”-ээр нийгмийн ажилтан, ахмад Д.Орлом, хүний тоо бүртгэлийн туслахын түр орлон гүйцэтгэгч, ахлах ахлагч Т.Будзаяа, хамгаалалтын ажилтан, ахлах ахлагч Б.Баасанжаргал, “Албаны төлөө III” тэмдгээр тооцооны нягтлан бодогч, ахлах дэслэгч Э.Батчимэг, хамгаалалтын ажилтан, ахлагч Б.Баасанбаяр, С.Бямбасүрэн, Б.Энхсайхан, Э.Батпүрэв, М.Даваа-Очир, сувилагч, ахлагч Ж.Хажидмаа, ШШГЕГ-ын даргын “Баярын бичиг”-ээр хамгаалалтын ажилтан, ахлагч Х.Одгариг, холбоочин, ахлах ахлагч Д.Мөнхшүр, тогооч Д.Алтанцэцэг нар шагнагдав.

Шагнагдсан алба хаагчдад цол, тэмдгийг ШШГЕГ-т болон ангийн хамт олны баярын хурал дээр гардуулан өгч, шагнагдсан алба хаагчдадаа баяр хүргэж цаашдын ажилд нь амжилт хүслээ.

"Монгол цэргийн өдөр"-ийг тохиолдуулан арга хэмжээ зохион байгууллаа.

“Монгол цэргийн өдөр”-ийг тохиолдуулан тус ангийн эмэгтэй албан хаагчид эрчүүддээ дурсгалын зүйл гардуулж гарын хоолоороо дайлж бэлэг барив.

6 цагийн сургалт зохион байгууллаа.

1. Удирдлагын академийн УУПБ-ийн дэд профессор, цагдаагийн хошууч А.Гантуул “ Байгууллагын соёл үнэт зүйл” сэдвээр лекц хичээл 2 цаг

2. Тус ангийн төлөөлөгч, ахлах дэслэгч Г.Мөнххуяг “Шүүхийн шийдвэр гүйцэтгэх байгууллагын алба хаагч биеийн хүч, тусгай хэрэгсэл, галт зэвсэг хэрэглэх журам” сэдвээр лекц хичээл 2 цаг

3. Хүний тоо бүртгэлийн байцаагч, ахлах ахлагч Л.Түмэнгэрэл “Хоригдол зорчих эрхийг хязгаарлах ял шийтгүүлсэн ялтанд шагналын хоног олгох, хоригдлыг ял эдлүүлэх хорих ангийн дэглэм зэрэглэлийг өөрчлөх болон хорих ангиас хугацаанаас өмнө суллаж, хяналт тогтоох тухай санал гаргах чиг үүрэг бүхий зөвлөлийн дүрэм” сэдвээр  лекц хичээл 2 цаг нийт 6 цагийн сургалт зохион байгууллаа.

4 цагийн сургалт зохион байгууллаа.

       1. Тус ангийн ахлах төлөөлөгч, ахмад А.Сайнбилэг “Сахилгын байр, тусгаарлах тасалгааны нөхцөл, журам”, “Хорих байгууллагын алба хаагчийн аюулгүй байдлыг хангах  аюулгүйн тойрог тогтоох журам”  сэдвээр лекц хичээл 2 цаг

       2. Сэтгэл зүйч хошууч Р.Оюун “Зан үйлд нөлөөлөх албадан сургалт, хөтөлбөрийн ойлголт” сэдвээр  лекц хичээл 2 цаг нийт 4 цагийн сургалт зохион байгууллаа.

Өнөөдрийн сургалтад “Хэрэмт цамхаг” УТҮГ-ын алба хаагчид оролцов.

Уран зураг, эсгий дүрслэл зэрэг гар урлалын бүтээлүүдийг зах зээлийн үнээс хямд худалдаж байна.

Тус анги нь уран зураг, эсгий дүрслэл зэрэг гар урлалын дараах бүтээлүүдийг зах зээлийн үнээс хямд худалдаж байна. Худалдан авахыг сонирхсон аж ахуй нэгж байгууллага, иргэд 89982808 дугаарын утсаар холбоо барина уу.

Мөн хүссэн хэмжээ, загварын дагуу захиалга авч үйлчилнэ.

Хоригдлуудын дунд сургалт зохион байгуулж байна.

ШШГЕГ-ын харьяа Мэргэжлийн сургалт, үйлдвэрлэлийн төвийн “Хоол үйлдвэрлэлийн технологи”-ийн багш, ахлах дэслэгч Д.Алтантуяа нь 2019 оны 01 дүгээр сарын 10-ний өдрөөс эхлэн тус хорих ангийн нэр бүхий 21 хоригдолд “Тогооч” мэргэжлээр мэргэжлийн боловсрол олгох сургалтыг зохион байгуулж байна.

Өнөөдөр сургалтад хамрагдаж буй хоригдлуудыг 3 багт хувааж шилдэг баг шалгаруулах байдлаар дадлагын хичээлийг нээлттэй хэлбэрээр явууллаа.

Сургалтад хорих ангийн дарга, хурандаа Г.Тамир, МСҮТ-ийн сургалтын албаны менежер, хошууч Г.Алтантуяа, сургалтын арга зүйч, ахмад Л.Алдармаа нарын 10 албан хаагч ажиглагчаар оролцлоо.

Алба хаагчдын дунд 4 цагийн сургалт болон тэмцээн зохион байгууллаа.

1. Харуул хамгаалалтын ахлах байцаагч, хошууч Б.Гантулга “Хорих ангийн дотоод журам”, “Хорих ангийн харуул хамгаалалтын журам” сэдвээр семинар хичээл 2 цаг

2. Ахлах төлөөлөгч, ахмад А.Сайнбилэг “Хорих байрны дотоод журам” сэдвээр семинар хичээл 2 цаг нийт 4 цагийн сургалт зохион байгууллаа.

3. Энэ өдөр ерөнхий жижүүр, ахлах дэслэгч Б.Мягмартай ээлжийн бүрэлдэхүүнээс нийт алба хаагчдын дунд “Сагсан бөмбөг”-ийн нөхөрсөг бооцоот тэмцээн зохион явуулсан.

Тэмцээнийг эрэгтэй, эмэгтэй холын зайн шидэлт гэсэн 3 төрлөөр зохиож эрэгтэй төрөлд Б.Мягмар ахлагчтай “Акул”-ууд баг тэргүүн байр, эмэгтэй төрөлд Э.Алтанцэцэг ахлагчтай “Сүлд” баг тэргүүн байр, холын зайн шидэлтийн төрөлд 16 алба хаагч өрсөлдсөнөөс дэд ахлагч Ц.Мөнх-Эрдэнэ тэргүүллээ.

4. Мөн тус  хорих ангид үйлдвэрлэлийн дадлага хийж байгаа ХСИС-ийн ШШГС-ийн  541 дүгээр дамжааны сонсогчдын зохион явуулсан танин мэдэхүйн “Алтан хонх” асуулт хариултын тэмцээнд 20 албан хаагч хамрагдаж, 1 дүгээр байранд хамгаалалтын ажилтан, дэд ахлагч А.Сүххуяг, 2 дугаар байранд хамгаалалтын ажилтан, ахлах ахлагч Ж.Чүлтэм, 3 дугаар байранд Харуул хамгаалалт гүйцэтгэх ажил эрхэлсэн дэд дарга, дэд хурандаа П.Наранбаатар нар тус тус шалгарлаа.